Нидерланд улсын нийслэл Амстердам хот галт тэрэгний зогсоолтой холбогдсон 7000 унадаг дугуйн багтаамжтай зогсоолыг 65 сая ам.доллароор байгууллаа.
Энэхүү зогсоол Амстердам хотын хамгийн том унадаг дугуйн зогсоол биш хэдий ч бүхэлдээ усан доогуур байрлалтай гэдгээрээ онцлогтой юм.
Өнгөрсөн долоо хоногт нээлтээ хийсэн унадаг дугуйн зогсоол нь хотын хамгийн ачаалалтай галт тэрэгний буудлын нэг хэсэг юм байна. Энэхүү зогсоолд унадаг дугуйгаа хадгалахад эхний 24 цагт ямар ч төлбөргүй байх аж. Газар доогуур болон усан доогуур дугуйн зогсоол байгуулснаар хот даяарх гудамжны зогсоолд байрлуулсан унадаг дугуйн бөөгнөрөл үүсэхээс сэргийлэх юм.
